The Purpose of Christmas

ပျော်ရွှင်စွာဆင်နွှဲရမယ့် ခရစ်စမတ်ချိန်ခါ

Audio Book
Audio Book
ပျော်ရွှင်စွာဆင်နွှဲရမယ့် ခရစ်စမတ်ချိန်ခါ
/

ဤနေ့ရက်သည် ထာဝရဘုရားစီရင်တော်မူသော နေ့ရက် ဖြစ်၍ ယနေ့ဝမ်းမြောက် ရွှင်လန်းကြကုန်အံ့။ ဆာလံ ၁၁၈း၂၄။

ခရစ်စမတ်နေ့ဟာ ပျော်ရွှင်ရမယ့်နေ့ရက်၊ ပွဲလမ်းသဘင်ပါ။ အထူးသဖြင့် ယေရှုခရစ်ရဲ့မွေးနေ့ပွဲတော်ပါ။ မွေးနေ့ပွဲဆိုတာဟာလည်း  ကျင်းပရမယ့်နေ့ရက်မျိုးပါ။ ဒါကြောင့် ကျွန်တော်တို့က “Merry Christmas”  ရယ်လို့ ဆိုကြတာရယ်။ ပျော်ရွှင်ဖွယ်ခရစ်စမတ်ရယ်ပေါ့။ ဒါပေမယ့်လည်းပဲ။ များသောအားဖြင့် ခရစ်စမတ်နေ့ကို ကျင်းပ တဲ့အခါမှာ ဂုဏ်ပြုခံမွေးနေ့ရှင်ဖြစ်တဲ့ ယေရှုကို လုံးလုံးလျားလျား လျစ်လျူ ရှုခဲ့ကြပါတယ်။ တခါတလေ … သူ့နာမည်တောင် မဖေါ်ပြခဲ့ကြဘူး။ ပျော်စရာခရစ်စမတ်ရဲ့အကြောင်းရင်းဟာ ယေရှုခရစ်တော်ကြောင့်ပေမယ့်  သူဟာ အမေ့ခံရင်ခံ။ တခါတလေကျတော့ ခရစ်စမတ်ဘိုးဘိုးတို့၊ ဆန်တာ ကလော့တို့နှင့် တန်းတူသဘောထားပြီး ပြောချင်ပြောကြတယ်။ ဖေါ်ပြ ကြတယ်။

စာရေးသူကျွန်တော့်အနေနှင့် ဒီစာအုပ်လေးကို ရေးသားတဲ့အခါ မှာ ခရစ်စမတ်ဈေးရောင်းသူအချို့နှင့်စကားပြောပြီး၊ သုတေသနလေးလုပ်ဖို့ ဆုံးဖြတ်ခဲ့ပါတယ်။
“ဒီခရစ်စမတ်မှာ ခင်ဗျားဘာတွေကျင်းပပြီး၊ ဘာကြောင့် ကျင်းပသလဲဗျ” လို့ ကျွန်တော် မေးပါတယ်။ သူတို့ရဲ့အဖြေအများစုဟာ ယေရှုနှင့်တော့ ဘာမှမဆိုင်လှပါဘူး။

နှစ်သစ်တစ်ခုကူးရတော့မှာဆိုတော့ ဒီခရစ်စမတ်ကျင်းပရတာဗျ။
မိသားစုတွေ အိမ်မှာစုံခွင့်ရလို့ ခရစ်စမတ်ကိုကျင်းပတာ။
ကျွန်မကတော့ ခရစ်စမတ်လက်ဆောင်၊ အပိုဝင်ငွေရတယ်ရှင့်။
ကျွန်မရဲ့သားက အီရတ်စစ်မြေပြင်ကနေ ပြန်လာလို့။
ကျွန်တော်မဲပေးတဲ့ သမ္မတလောင်းက အရွေးခံရလို့ ခရစ်စမတ် မှာ ပိုပျော်ရွှင်တာ။
ဈေးရောင်းနေတာတွေပြီးလို့ နားရတာကြောင့် ခရစ်စမတ်ကျင်းပ ရတယ်။
ကျွန်တောကတော့ ခရစ်စမတ်ကို မကျင်းပနိုင်ပါဘူးဗျာ၊ ရုန်းကန် နေရတယ်။
စသဖြင့် သူတို့ရဲ့အဖြေတွေ ကြားနေရပါတယ်။

မှန်ပါတယ်။ ခရစ်စမတ်အတွက် လူတွေပြင်ဆင်ကြပါတယ်။ အထူးသဖြင့် ခရစ်စမတ်အတွက် ပြင်ဆင်ရတာက မိခင်တွေအတွက် အင်မတ်အလုပ်ရှုပ် လှပါတယ်။ လက်ဆောင်တွေ ဝယ်ရတဲ့ဒုက်္ခ၊ ကတ်တွေပို့ပြီး အပေါင်း အသင်းတွေ နှုတ်ဆက်ရနှင့်။ အိမ်တွေပြင်ရဆင်ရ။ အလှမီးပန်းတွေ ဆင်ရတယ်။ ချိတ်ရတယ်။ ချက်ပြုတ်၊ ကျွေးမွေးရတယ်။ ပါတီပွဲတွေ တက်ရတယ်။ ပြီးရင် သန့်ရှင်းရေးတွေပြန်လုပ်ရတယ်။ ပျော်ရွှင်ရတဲ့အချိန် က ခဏတာဖြစ်ပြီး၊ ပင်ပန်းရတာကများများရယ်။

ဟုတ်ရတာပေါ့။ ခရစ်စမတ်ရဲ့ပထမရည်ရွယ်ချက်က ပျော်ရွှင်စွာ ကျင်းပဖို့ဖြစ်နေတာကိုး။

ဒီအကြောင်းကို ဘယ်မှာရှာတွေ့ရမလဲဆိုတော့ ဗက်လင်မြို့စွန် နားက သိုးကျောင်းသားတွေဆီကိုဖေါ်ပြတဲ့ ကောင်းကင်တမန်ရဲ့စကားထဲ ကနေတွေ့ရမှာဖြစ်ပါတယ်။ ကျွန်တော်တို့လူသားအားလုံး ဝမ်းမြောက်၊ ပျော်ရွှင်ကြည်နူးလို့ကျင်းပဖို့၊ ကောင်းမြတ်တဲ့သတင်းကောင်းတစ်ခုကို ဘုရားသခင်ထံမှာရှိနေတယ်။

“လူအပေါင်းတို့သည် အလွန်ဝမ်းမြောက်ဝမ်းသာစရာ သတင်းကို ငါသည် သင်တို့အား ကြားပြောရ၏” တဲ့။ လုကာ ၂း၁၀

ဒီလောက်ကောင်းမြတ်တဲ့သတင်းကောင်းကို ကျွန်တော်တို့အနေ ဖြင့်လက်ခံပြီး ပျော်ရွှင်စွာနှင့်ကျင်းပသင့်ပါတယ်။ အဲသလို ဆင်နွဲသင့်တဲ့ အကြောင်းပြချက်ကလည်းသုံးချက်ရှိပါတယ်။ နံပါတ်တစ်အချက်က ကိုယ်ရေးကိုယ်တာ (သို့မဟုတ်) ပုဂ္ဂိုလ်နှင့်ဆိုင်တဲ့ သတင်းစကား ဖြစ်တယ်။ ကျမ်းစာထဲမှာ

““ငါသည် သင်တို့အား ကြားပြော၏”” တဲ့။ စာဖတ်သူအတွက်၊ ကျွန်တော့်အတွက် ယူဆောင်လာတဲ့သတင်းစကားမို့လို့ ဆင်နွှဲသင့်တဲ့ နေ့ရက်ပါ။ နောက်၊ ဒုတိယအချက်က ““အလွန်ဝမ်းမြောက်ဝမ်းသာစရာ သတင်း”” တဲ့။ ကောင်းမြတ်တဲ့သတင်းပါ။ သတင်းဆိုးမဟုတ်လို့ ပျော်ရွှင် စွာကြိုဆိုဆင်နွှဲသင့်တယ်။ နောက်ဆုံး တတိယအချက်ကတော့ ““လူအပေါင်း”” အတွက်ဖြစ်တယ်။ တစ်ကမ္ဘာလုံးအတွက်၊ စကြဝဠာတစ်ခု လုံးအတွက်ဖြစ်တဲ့အတွက် ဆင်နွှဲလိုက်တဲ့မွေးနေ့မင်္ဂလာပွဲပါ။ ခင်ဗျားဟာ ဘယ်သူဘယ်ဝါမို့လို့၊ ဘာတွေပြုမူလုပ်ဆောင်ခဲ့တယ်။ ဘယ်လိုနေရာ၊ ရာထူးမှာရှိနေလို့၊ အနာဂတ်မှာ ဘာဖြစ်နိုင်တယ်ဆိုတဲ့အပေါ်မှာ အဓိက မကျပါဘူး။ ဘာမှလည်း မဆိုင်ပါ။ ခင်ဗျားဘာပဲဖြစ်နေပါစေ။ ဒီသတင်း ကောင်းဟာ ခင်ဗျားအတွက်ပဲဖြစ်ပါတယ်။

ကျွန်တော်တို့နိုင်ငံမှာထုတ်တဲ့မဂ္ဂဇင်းတစ်စောင်မှာ သတင်း ကဏ္ဍတစ်ခုရှိပါတယ်။ News you can use တဲ့။ ခင်ဗျားအသုံးပြုလို့ရတဲ့ သတင်းပါပေါ့။ ကြိုက်သလိုပြန်လည်အသုံးပြုပြီး ယူလို့ရတဲ့သတင်းပေါ့။ အဲဒီကဏ္ဍကို စာရေးသူကျွန်တော်က အမြဲအရင်ဆုံးဖတ်လေ့ရှိပါတယ်။

ဟော … ကောင်းကင်တမန်ကလည်း သတင်းကောင်းတစ်ခု ယူလာတယ်။ ကျွန်တော်တို့အားလုံး ကြိုက်သလိုအသုံးပြုလို့ရတဲ့သတင်း ပါ။ ကမ္ဘာပေါ်မှာအကောင်းဆုံးသတင်းပါ။ အဲဒီသတင်းကဘာလဲဆိုတော့၊

ဘုရားသခင်က ခင်ဗျားကိုချစ်တယ်။
ဘုရားသခင်ဟာ ခင်ဗျားနှင့်အမြဲထာဝရရှိနေတယ်။
ဘုရားသခင်ဟာ ခင်ဗျားအတွက်ဖြစ်တယ်ဆိုတဲ့ သတင်း ကောင်းပါဗျ။

Author
Thang No
Join the discussion

Further reading

The Purpose of Christmas

ယုံကြည်ခြင်းအားဖြင့်

ရောမသြဝါဒစာ ၄း၅ မှာ ‘‘မတရားသောသူ၏ အပြစ်ကိုဖြေ သောသူကိုယုံကြည်လျှင်၊ သူ၏ယုံကြည်ခြင်းကို ဖြောင့်မတ်ခြင်းကဲ့သို့ မှတ်လျက်ရှိ၏။’’ လို့ရေးထားပါတယ်။...

The Purpose of Christmas

ကျေးဇူးတော်အားဖြင့်

ကျေးဇူးတော်ဆိုတာ ဘာပါလိမ့်။ မေးစရာ ရှိပါတယ်။ ဟုတ်ပါတယ်။ ကျေးဇူးတော်ဆိုတာကတော့ ဘုရားရဲ့ မေတ္တာ လက်တွေ့ပြတဲ့ ဘုရားရဲ့ပြုမူချက်ပါ။ ကျေးဇူးတော်ဆိုတာ...

The Purpose of Christmas

ကျေးဇူးတော်အားဖြင့် သင့်အားကယ်တင်ဖို့ ယေရှု ကြွလာ

ကျွန်တော်တို့နေ့စဉ်အသက်ရှင်သန်မှုတိုင်းမှာ ကျောင်းတက်တဲ့ အခါမှာဖြစ်ဖြစ်၊ ကစားတဲ့အခါမှာဖြစ်စေ၊ အလုပ်လုပ်တဲ့နေရာမှာဆိုရင်၊...

The Purpose of Christmas

အဓိပ္ပါယ်ပြည့်ဝသောအသက်တာပိုင်ဆိုင်ဖို့ သင့်အားကယ်တင်ရန် ခရစ်တော်ကြွဆင်း၍လာ

ဘဝမှာ တခါတလေ မေးခွန်းများစွာရင်ဆိုင်ကြုံတွေ့ရပေမယ့် ကျွန်တော်တို့ တစ်ယောက်ချင်းစီရင်ဆိုင်ရတဲ့ မေးခွန်း (၃) ခုရှိပါတယ်။ ပထမမေးခွန်းက...

The Purpose of Christmas

အပြစ်မှ ကယ်တင်ဖို့ ယေရှုကြွလာတယ်။

စာဖတ်သူရဲ့ဘဝမှာ … ခင်ဗျား ကိုယ်၌က ပြဿနာရဲ့အရင်း အမြစ်ဖြစ်တယ်လို့ ပြောပါရစေ။ ခင်ဗျားဘဝမှာ တခြားသူတွေက ပြဿနာတွေ ဖြစ်စေပါလိမ့်မယ်။ ဒါပေမယ့်...

Instagram feed @newdreammedia

Instagram has returned empty data. Please authorize your Instagram account in the plugin settings .